بقلم: مرقس عزيز خليل
ماذا حدث لمصر!! ربنا يستر عليها.. قرأت هذا الموضوع علي شبكات الإنترنت بقلم جورج شكري.. وهو يتحدث عما يحدث في محطات مترو الأنفاق.. فشدني كثيراً وقمت باستقطاع بعض الأجزاء منه.. يقول: إنها كوميديا سوداء جسدت معاناة امرأة قبطية في مترو الأنفاق.. والآن لدينا هنا ما هو أهم وما هو أحري وأبدي، لدينا هنا تجسيد لما قد يعانيه شعب بأكمله من جراء استمرار التواجد القبطي في مترو الأنفاق.. فهل تكون عربية مستقلة للمسيحيين هي الحل.
واقع: الأحداث التالية وقعت بالفعل مع بعض التحبيش الدرامي، وشاهدتها حية ترزق.. المكان: عربة السيدات ـ مترو أنفاق القاهرة ـ اتجاه المرج. المسار: من مارجرجس إلي منشية الصدر مروراً بالسيدة زينب في محطة السادات، تدخل امرأة منقبة عربية السيدات بعد أن تؤم الراكبات ليتلين دعاء الركوب جهراً، تبدأ درسها الديني وسط إصغاء الراكبات واهتمامهن. تتحدث فيما تتحدث عن كراهة نمص الحاجبين، وعن كونه مسئولية لمن تطلبه ومن تقوم به (لعن الله النامصة والمتنمصة). تبدي سيدة أمارات التعجب الذي ينقلب استياء تلحظه جارتها. ثم تهمس السيدة المستاءة بشيء إلي جارة لها متعجبة هي الأخري، مما يوحي بنوع من الغمز واللمز تمارسه هاتان الراكبتان مكشوفتا الشعر. تغضب الجارة الأولي لما بدر من الغامزتين.
ـ إيه يا أختي؟ مش عاجبك الكلام ولا إيه؟ ترد الأخري: أنا بس باقول إن ده مش المكان المناسب. يا أختي لو مش عاجبك، الباب يفوت جمل، المحطة الجاية انزلي.. أنزل إزاي أنا دافعة تذكرة زيي زيك، ومحطتي لسة ما جاتش.. خلاص.. اسمعي وانت ساكتة.. أنا مش مضطرة أسمع الكلام ده. ده مكان عام، وملك الحكومة، مش جامع ولا قاعة اجتماعات.. يا ستي قلت لك انزلي لو مش عاجبك. أو اسمعي لك كلمتين ينفعوك، يمكن ربنا يهديك.. تنزل هي وتروح حتة تعمل فيها الدرس بتاعها. أنا هنا حقي أركب زي ما أنا عايزة، ثم أنا ربنا هاديني.. أما قلة أدب صحيح. ما هو طبعاً، انت متغاظة عشان الكلام ده بيجننك.. ثم.. ثم.. انت »متنمسة« كده ليه؟
ـ يجنني ليه يا أختي. أنا ليّ كنيسة أروح أسمع فيها كلام يفرح قلبي.. لو هي حريصة علي قيمة الكلام اللي بتقوله فعلاً، كانت اختارت مكانا يليق بمقامه، مش تقوله في المترو للي مركزة واللي مش هاممها.. اخرسي قطع لسانك. حقة بطلوا ده واسمعوا ده. مش كفاية سايبينكم عايشين في البلد، وواكلين فلوسها. انت يا كافرة تستجري تتطاولي علي كلام ربنا. طيب وديني لأ... ـ وهنا تلتف عدة سيدات (ما بين محجبة ومخمرة ومنقبة وسافرة) حول السيدة المسيحية طويلة اللسان (التي بالمناسبة لا تدري أين اختفت جارتها المسيحية الأخري)، ويبدأن في تلقينها درساً في احترام الآخر، بدءاً بجذب شعرها مع فاصل من الردح، وانتهاءً بدفعها نحو الباب.. يقترب المترو من محطة مبارك.. وتخرج السيدة المسيحية في حماية سيدة محجبة أشفقت عليها.. ورغم ذلك استمر الصياح المتبادل الذي سمعه كل ركاب مبارك.
(نقلا عن الوفد)
Subject: Metro Cairo But not Abo-Kir Train Alex 
Wed Oct 24, 2007 10:53 pm
